Evropianët kujdesen më shumë për elefantët sesa për njerëzit, thotë presidenti i Botsvanës (fotot)
19/04 16:44
Incidenti ndodhi në rezortin Sandals Emerald Bay
Policia ka nisur një hetim për vdekjet e papritura të tre amerikanëve në një rezort luksoz në Bahamas, ndërsa një tjetër grua amerikane është dërguar në spital.
Kryeministri i atjeshëm në detyrë Chester Cooper tha në një deklaratë se “nuk dyshohen ndërhyrje nga palë të treta” edhe pse shkaku i vdekjeve është ende i paditur.
Identiteti i amerikanëve të vdekur dhe i të shtruarit në spital nuk është publikuar.
Incidenti ndodhi në rezortin Sandals Emerald Bay në ishullin e madh Exuma në Bahamas.
Policia tha se dy burra te rritur dhe një amerikane femër ishin gjetur të vdekur në viletat e tyre të premten. Ndërsa në një dhomë gjumi policia gjeti një burrë pa ndjenja përtokë.
Autoritetet thanë se viktimat nuk kishin shenja traumash në trup dhe një doktor i kishte shpallur të vdekur në vendngjarje. Autoritetet kishin raportuar se një çift mes viktimave tregonin shenja konvulsionesh trupore por jo trauma goditjesh.
Një amerikani katërt u dërgua në spitalin e New Providence ku zyrtarët thanë se kishin “disa ide” por kishin nevojë për më shumë hetime për të dhënë një deklaratë publike.
Top Channel
