Çfarë profesioni ju përshtatet në bazë të shenjës së horoskopit? 12/11 22:56
Dëshmia e rëndë e Amber Heard ka sjellë një përballje të tensionuar me Johnny Depp. Teksa 36 vjeçarja po akuzonte Jonnyn se e kishte sulmuar seksualisht me një shishe pije alkoolike dhe e kishte kërcënuar se do ta vriste në mars të vitit 2015 në Australi, ai është ngritur në këmbë dhe ka tentuar t’i afrohet.
Sipas Daily Mail, Heard dridhej dhe dukej e tmerruar, ndërsa bënte hapa prapa, ndërsa sigurimi dhe zyrtarët e gjykatës ndërhynë menjëherë, duke e paralajmëruar Deppin atë të qëndronte larg.
Aktori i “Pirates of the Caribbean” më pas u largua dhe buzëqeshi.
Gjatë dëshmisë së Heardit, Depp është parë i përkulur mbi një bllok shënimesh ku ai shkruante dhe bënte shkarravina.
Para takimit të tensionuar, aktorja dëshmoi se Depp e kishte sulmuar seksualisht dhe e kishte kërcënuar se do ta vriste, në atë që ekipi i tij mbrojtës e quajti ‘performanca e jetës së saj’.
Sulmi i supozuar sipas Amber ndodhi në mars të vitit 2015 në Australi në shtëpinë e tyre me qira ku ai jetonte gjatë xhirimeve të “Pirates of the Caribbean 5”.
Top Channel
