Real Madrid fitoi 3-1 ndaj Manchester City dhe siguroi kualifikimin në finalen e Champions League, aty ku do të sfidojë Liverpoolin në finalen e 28 majit në Paris. Skuadra e Carlo Ancelottit dhuroi një tjetër përmbysje drithëruese dhe emocionuese, por Peter Schmeichel deklaroi për CBS Sport se “Los Blancos” kishin shumë fat.
Kur nisi pjesa e dytë mjaftoi një gjuajtje e Vinicius për të ndezur atmosferën, ishte e jashtëzakonshme. Unë mendoja që Reali do të kualifikohej në finale pas ndeshjes që zhvilluan në Angli, por ata luajtën shumë keq. Vetëm në ndeshjen kundër Chelsea luajtën shumë mirë. Por nuk duhet të dyshojmë kurrë në cilësinë e lojtarëve të Realit.
Eksperienca ka gjithmonë rëndësi në këtë kompeticion, por ata lanë edhe zemrën në fushë. Ata kanë përjetuar situata të ngjashme dhe shumë lojtarë kanë fituar Champions në disa raste, nuk kanë fare frikë. Lojtarët e Realit i besojnë njëri-tjetrit dhe trajnerit, ishte çmenduri ajo që ndodhi”, theksoi ish-portieri i famshëm i Manchester United dhe kombëtares daneze.
Top Channel
