Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Një turmë e zemëruar banorësh lokalë rrethuan dje shtëpinë e një ish-pedofili të dyshuar pas një sinjalizimi nga vullnetarët në Skoci.
Dhjetra banorë vendas rrethuan shtëpinë e përfolur në qytezën Moodiesburn, por shpejt policia vërshoi në skenë duke rrethuar shtëpinë më disa automjete para shpalosjes së skenave dramatike.
E përditshmja britanike “The Sun” shkruante se një qen policie shihej që lehte teksa makinat që kalonin u binin borive ndërsa turma vazhdonte të ulërinte.
Më pas dëshmitarët thanë se një person u pa që hynte në furgonin e policisë.
Një prej të pranishmëve tha: “ne jemi një komunitet i bashkuar që mblidhemi shpejt kur është fjala për të mbrojtur fëmijët e njerëzit nga këta njerëz të pisët”.
Ndërsa një zëdhënës i policisë skoceze tha: “Oficerët u thirrën në vendngjarje për një trazirë në Cumbernauld Road, Moodiesburn, pasditen e të hënës më 2 Maj 2022.
“Nuk u bënë arrestime dhe nuk kishte persona të plagosur, por jemi duke hetuar për dëme të mundshme të shkaktuara”.
Top Channel
