Hodhi macen në det, arrestohet 30-vjeçari shqiptar në Greqi (Video)

02/05/2022 19:09

Një ngjarje e cila në vendin tonë rëndom do të shkaktonte të qeshura për dikë dhe keqardhjet për dikë tjetër,duket se do t’i kushtojë shtrenjtë një 30- vjeçari shqiptar.

Ka qenë një video e publikuar në rrjetin social Tik Tok,ku duket 30- vjeçari duke ushqyer një mace dhe sapo ajo afrohet, ai e godet me shkelm dhe e hedh në det.

Në vazhdim të njëjtën gjë tenton ta bëjë edhe me një tjetër mace që ndodhej në tavernën që ai po drekonte me shokët e tij.

Kaq ka mjaftuar që menjëherë të reagojë ministri grek i Mbrojtjes së Qytetarit dhe 30-vjeçari të arrestohet e të mbahet në rajonin e policisë në Edipso dhe paraditen e së martës të dërgohet në gjykatë për masë sigurie.

Για την πλάκα τους κλωτσάει το ζώο και το ρίχνει στην θάλασσα. Κανείς δεν τον σταματάει, όλοι γελάνε. Ξέχασε όμως ότι πλέον είναι κακούργημα και τιμωρείται με ποινή φυλάκισης έως 10 έτη και πρόστιμο έως 50.000 ευρώ.
Ενημέρωσα ήδη το @CyberAlertGR @hellenicpolice pic.twitter.com/50fw6Bauko

— Stamatina Stamatakou (@StamatinaSs) May 2, 2022

Ngjarja ka shkaktuar reagime të shumta, ndërsa autori fillimisht kërkoi ndjesë për gjestin, por në vazhdim nëpërmjet një videoje në rrjetet sociale ofendoi kritikët e tij dhe tha se ishte i dehur në momentin që kreu aktin, por se nuk kishte bërë diçka të keqe. E gjitha ishte një shaka deklaroi ai. Isha i dehur dhe nuk keni pse më denonconi.

Η κακια στιγμή, η ατυχη ώρα τα γνωστά μωρέ που λέει κάθε καθίκι από βασανισμό ζώου μέχρι βισμο pic.twitter.com/kPHjecLbnq

— Η γατα μου η μπανιστιρτζου 😷 (@LZIK89) May 2, 2022

Mediat greke thonë se 30 vjeçari, emri të cilit nuk bëhet publik për momentin, ka qenë i dënuar për trafik droge dhe është përdorues i lëndëve narkotike.

Greqia ka ashpërsuar ligjet për dhunimin e kafshëve, duke e klasifikuar veprën si krim të rëndë që dënohet me 5 vjet burgim dhe 50.000 euro gjobë.

Top Channel