Misteri i skeleteve pa duar e këmbë në bunkerin sekret të Hitlerit në Poloni (fotot) 08/05 16:51
Në përgjigje të ministres së jashtme britanike që tha dje se Pekini duhet ‘të luajë sipas rregullave’, ministria e jashtme kineze tha sot se NATO po nxit konflikte dhe paralajmëroi aleancën për rolin e saj në rajonin e Paqësorit aziatik.
Ministrja britanike Liz Truss përsëriti dje thirrjet për forcim të mëtejshëm të NATO-s pas luftës në Ukrainë dhe shtoi se veprimet për izolimin e Rusisë tregojnë se aksesi në tregun e vendeve demokratike nuk duhet të merret si ‘i mirëqenë’.
Truss më pas dha një paralajmërim të drejtpërdrejtë për Kinën.
“Vendet duhet të luajnë sipas rregullave. Dhe kjo përfshin edhe Kinën”, tha ajo, shkruan britanikja The Guardian.
Por zëdhënësi i minsitrisë së jashtme kineze Wang Wenbin, refuzoi komentet e Truss dhe akuzoi NATO-s se po i kërkon vendeve të tjera t’i binden normave bazë, në një kohë kur “nis luftëra dhe hedh bomba mbi shtete sovrane, duke vrarë e duke zhvendosur civilë të pafajshëm”.
Wang tha: “NATO, organizata ushtarake e Atlantikut të Veriut, ka ardhur kohët e fundit në rajonin Azi-Paqësor për të vendosur diktatin e saj dhe për të nxitur konflikte”.
“NATO e ka trazuar Evropën. A është duke u përpjekur tani të trazojë Paqësorin aziatik e ndoshta edhe botën?”
Në fjalën e saj britanikja Truss tha se NATO duhet të ndiqte para-kërcënimet nga rajoni i Paqësorit aziatik dhe të zgjeronte vështrimin e saj te vendet demokratike jashtë anëtarësisë, si për shembull Taivani, për të cilin Kina thotë se është një provincë e ndarë që ajo duhet ta rifitojë. Për këtë ajo tha se mund të shënjestrohet ekonomia e Kinës, tashmë e dyta në botë.
Truss shtonte: “Kina nuk do të vijojnë rritjen e saj nëse nuk luan sipas rregullave, sepse duhet të tregtojë brenda grupitG7. Ne përfaqësojmë gjysmën e ekonomisë globale, dhe ne kemi zgjedhjet tona”.
“Ne i treguam Rusisë zgjedhjet që mund të bëjmë kur shkelen ligjet ndërkombëtare”.
Kina ka refuzuar të dënojë sulmin rus ndaj Ukrainës duke marrë kritika nga vende evropiane. Në një samit të fundit Kinë-BE në lidhje me luftën, kryeministri kinez Li Keqiang tha se Pekini do të kërkojë paqen “në mënyrën e tij”.
Wang tha dje se pozita e Kinës për konfliktin ka qenë “e qartë dhe e qëndrueshme”.
“Ne gjithmonë bëjmë gjykime bazuar në meritat e çështjes”, tha ai pa dhënë shumë detaje.//The Guardian//
Top Channel
