Sulmohet sërish me armë zjarri patrulla e policisë në veri të Kosovës
26/04/2022 09:34
Grida Duma nuk mban lotët: Një vajzë kameramane u shtyp me makinë, gjyqtarja e liroi shoferin! Hapet një llogari në Go Found Me
06/05 23:25
Një patrullë e Policisë së Kosovës, në fshatin Zupçe të Zubin Potokut, është sulmuar këtë mëngjes.
Policia e Kosovës thotë se nuk ka të plagosur, ndërsa ka nisur hetimi i ngjarjes.
“Sot në orët e hershme të mëngjesit, konfirmojmë se është sulmuar një njësi patrulluese kufitare, në fshatin Zupçe të Zubin Potokut.
Lidhur me rastin janë ndërmarrë të gjitha veprimet e menjëhershme policore, ku në vendngjarje kanë dalë edhe njësitet policore të rendit nga Stacioni Policor në Zubin Potok të cila kanë njoftuar se njësiti kufitar është sulmuar me armë zjarri. Përveç dëmeve materiale në automjet nuk raportohet për zyrtarë të lënduar. Policia e Kosovës, në bashkëpunim dhe koordinim me organet e drejtësisë janë duke ndërmarrë të gjitha veprimet e nevojshme hetimore lidhur me rastin, përderisa ka shtuar masat policore me qëllim të sigurisë së zyrtarëve policorë dhe qytetarëve“, njofton policia.
Policia e Kosovës është sulmuar për gjashtën herë radhazi.
Top Channel
