Sulm sërish në Zubin Potok/ Qëllohet automjeti në veri te Kosovës, nuk ka viktima
26/04/2022 19:51
Vrau 14 vjeçaren dhe një të moshuar, ekstradohet nga Turqia i dyshuari kryesor për ngjarjen që tronditi Shkupin 15/05 21:32
Policia e Kosovës është sulmuar përsëri gjatë patrullimit në veri të vendit. Nga sulmi nuk u raportua për të lënduar pasi të shtënat ishin në drejtum të automjetit të blinduar
Në këtë aks rrugor në fshatin Zupce të Zubin Potokut u sulmua për herë të gjashtë policia kufitare e Kosovës. Sipas një njoftimi thuhet se sulmi ndodhi rreth orës tetë të mëngjesit dhe policia u sulmua me armë zjarri, deri më tani ka vetëm dëme materiale të shkaktuara.
Menjëherë pas këqyrjes së vendit të ngjarjes nga ana e Policisë së Kosovës dhe Prokurorisë, njësia speciale zbarkoi në Lagjen e Boshnjakëve në Mitrovicë të Veriut.
Në një servis të një automekaniku u krye bastisje që rezultoi pas asnjë të arrestuar.
Megjithatë, policia njoftoi se u lanë dy ftesa për paraqitje në polici për dy persona nën dyshimin se kishin ndihmuar në kryerjen e veprës penale.
Deri më tani nuk është sqaruar nëse aksioni i bastisjes është derivat i sulmit ndaj policisë kufitare.
Kështu, policia e Kosovës ka shtuar patrullimet në veri të vendit.
Pjesëtarë të shumtë të policisë janë parë në rrugën që çon për në pikën kufitare të Bërnjakut, sipas autoriteteve e gjithë kjo për shkak të sulmeve ndaj policisë.
Ky është sulmi i gjashtë brenda dy javësh ndaj policisë kufitare. Javën e kaluar policia u sulmua me granatë dore e kallashnikov derisa po e kryenin ndërrimin. Policia po ashtu gjatë kësaj kohe u sulmua edhe me mjete piroteknike.
Top Channel
