Magdeburgu në pikëllim, përkujtohen viktimat e sulmit në tregun e Krishtlindjeve 22/12 13:50
Avionët rusë po vazhdojnë të hedhin bomba në fabrikën e çelikut Azovstal, aty ku janë të strehuar mbrojtësit e fundit ukrainas të qytetit – tha një zëvendëskomandant ukrainas.
“Po përdoren artileri dhe topa detar, tanket po qëllojnë dhe ka përpjekje për të sulmuar zonën masive industriale në Mariupol qendrore“, tha Svyatoslav Palamar në një video të publikuar në llogarinë Telegram të Azov të dielën.
Ai theksoi se rusët nuk po ndaleshin as për Pashkët Ortodokse – një festë e madhe e krishterë.
Palamar falënderoi gjithashtu të gjithë ata që janë përpjekur të evakuojnë civilët e bllokuar në bunkerët e nëndheshëm në vend, si dhe duke negociuar për të lejuar tërheqjen e luftëtarëve ukrainas nga qyteti jugor i rrethuar.
Ndërsa shumë ukrainas në të gjithë vendin po festonin Pashkët, në Mariupol “armiku po hedh bomba mbi kokat e fëmijëve të pafajshëm”, shtoi ai.
Azov, së bashku me një brigadë marine, rojet kufitare dhe oficerët e policisë, janë tani mbrojtësit e fundit ukrainas të mbetur në qytetin strategjik në bregdetin e Detit Azov.
Top Channel
