Sondazhi/ Musk dhe Trump vlerësohen afërsisht njësoj nga amerikanët, aleanca mes politikanit më të fuqishëm të Amerikës dhe biznesmenit më të pasur 19/12 07:34
Presidenti i Polonisë, Lituanisë, Letonisë, dhe Estonisë udhëtuan drejt Kievit të mërkurën për tu takuar me presidentin Volodymyr Zelensky, vizitë kjo e cilësuar si një shenjë e madhe mbështetje teksa trupat ruse tani thuhet se po planifikojnë një sulm të ashpër në lindje të Ukrainës.
Të 4 ata i bashkohen kështu një numri në rritje të politikanëve europianë që vizitojnë Ukrainën që kur u pushtua nga rusët.
Presidenti i Lituanisë, postoi një foto nga treni me liderët e tjerë, duke thënë se vizita e tyre ka si qëllim midis të tjerash përçimin e mesazhit të mbështetjes së Kievit ushtarakisht dhe politikisht.
Ndërsa zyra presidenciale polake, tha se takimi u fokusua edhe në ndihmën konkrete për civilët, si dhe investigimin e krimeve të luftës. E po ashtu edhe mbështetjen që Ukraina të bëhet pjesë e BE sa më shpejt.
Takimi vjen një ditë pasi presidenti Joe Biden cilësoi krimet e luftës në Ukrainë si genocid, ndërsa lideri rus Vladimir Putin tha se Kremlini do të vazhdojë qetësisht operacionin e tyre derisa të arrijnë të plotësojnë të gjitha objektivat e tyre.
Presidenti gjerman gjithashtu ishte planifikuar të merrte pjesë në vizitë , por Kievi zyrtar e bëri të qartë se ai nuk ishte i mirëpritur,
Media gjermane Bild raportoi se Zelensky kishte refuzuar vizitën e tij për shkak të lidhje të ngushta të Steninmer me Rusinë vitet e fundit.
Top Channel
