“Ti nuk di vetëm mendimet e Ramës, por edhe tonat”, debat mes Vangjelit dhe Boçit në ‘Top Story’: Ti je i kapur rob
25/04 22:34
Procesi i votimit për zgjedhjen e kryetarëve të degëve në PD po zhvillohet këtë të diel në Fier, Selenicë dhe Fushë-Krujë.
Sipas Komisionit të Organizimit dhe Kontrollit të Operacioneve Elektorale të Partisë Demokratike, procesi i votimit ka nisur në orën 9:00 dhe do të mbyllet në orën 17.00.
Në rast se në Qendrat e Votimit do të ketë ende votues, procesi do të vijojë edhe pas orës 17: 00, deri kur edhe anëtari I fundit I PD së degës përkatëse të ketë votuar.
Në Fushë-Krujë qytetarët mund të votojnë në selinë e PD Dega Fushë-Krujë. Në Selenicë në lokalin “Devoll Kuci” Peshkëpi, ndërsa në Fier në godinën e Universitetit UFO.
Kandidatët e për kryetar dege janë:
PD Dega Fier
Gentian Theodhori Varfi
Rrapi Rako Gjika
Vladimir Sabri Kajolli
PD Dega Fushë Krujë
Agron Sure Loka
Aqif Shaban Mesi
PD Dega Selenicë
Gazmir Memo Beqaj
Leonard Josif Rakipaj
Sipas informacioneve, në listat e Fierit janë mbi 5800 anëtarë që janë thirrur të votojnë. Votimet po kryhen në baze të parimit një anëtar një votë.
Procesi i votimit po administrohet nga dy komisione në katër dhoma të fshehta. Deri më tani fluksi i votuesve është i lartë, edhe pse shiu ka pushtuar të gjithë vendin.
Top Channel
