“Kriminele, vampire, e pangopur”, Berisha denoncon Vilma Nushin: Nuk paraqitet në Komisionin Hetimor, akt për revoltë kombëtare 14/11 20:14
Ish kryeministri Sali Berisha ka folur për çështjen e zgjedhjes së presidentit në konferencën për mediat duke thënë se këtij diskutimi nuk i ka ardhur koha ende.
Sipas tij, emri “Berisha” i kall datën Edi Ramës ndaj i sugjeron gazetarëve që të mos i bëjnë më pyetje për të, ndonëse e pëlqejnë edhe socialistët e thjeshtë.
Berisha: Nëse Edi Rama vendos të zgjedhë me votat e tij presidentin, ai mund ta bëjë këtë sepse pavarësisht se zgjedhjet i plackityi dhe nuk shprehën vullnetin e popullit, për fat të keq, sot komuniteti ndërkombëtar vijon ti dënojë ato zgjedhje, kurse opozita nuk i doli zot votës së qytetarëve.
Edi Rama mund ta zgjidhte, por nuk mund të implikojë në mënyrat e tij opozitën aktuale në proces, e kam thënë dhe e them, nëse mendon për shkak të dhunimit të zgjedhjeve t’i japë opozitës të drejtën e presidentit të republikës për të propozuar, do të jetë një vendim që merret në forumet më të larta të PD, ndaj preferoj të mos angazhohem në një diskutim që nuk i ka ardhur koha akoma, por mos harroni ta pyesni për inceneratorët se do vrapojë, do dalë jashtë nga konferenca e shtypit, do ju lërë me duar bosh.
Tek e fundit keni dhe ju ndjenjat njerëzore ndaj tij. Del qartë që nëse e pyesni për inceneratorët është si të tregoni litarin në shtëpinë e të varurit. Vendosni një kod për këtë dhe mundësisht sa më pak t’i përmendni emrin tim. E patë mbrëmë se si ky emër ka filluar t’i kallë datën. Ai e di që unë jam i pëlqyer edhe nga socialistët e thjeshtë, por edhe në kandidatura klepokraktike e PS do ketë probleme shumë serioze me PD, prandaj këto dy gjëra nëse doni të mos ju ikë nga konferenca e shtypit, mos ia pyesni.
Top Channel
