Hodhën mbetjet e kafshëve në lumë, gjobiten thertoret në Gjilan
06/04/2022 14:43
Ngjarje e rëndë në Kosovë, tre të plagosur me armë zjarri dhe një tjetër me thikë 01/05 17:18
Thertoret në Gjilan që hodhën mbetjet e kafshëve në lumin e qytetit janë gjobitur me nga 700 euro .
Kryetari i Gjilanit, Alban Hyseni njoftoi se gjoba është konform rregullores komunale pasi është konstatuar ndotja e lumenjve.
“Gjatë 24 orëve të fundit nga drejtoria e Inspekcionit, pas inspektimeve në terren dhe sigurimit të dëshmive nga palët ankuese, janë shqiptuar gjobat konform Rregullores Komunale pasi që është konstatuar ndotja e lumenjve me gjak dhe mbetje fundrrinore, e cila është bërë gjatë trajtimit të ujërave të impianteve të dy thertoreve në afërsi. Lusim të gjithë qytetarët dhe bizneset të shtojmë kujdesin në ruajtjen e ambientit”, ka shkruar Hyseni në Facebook.
Top Channel
