Detaje të reja nga vrasja e tre vajzave në Greqi, nëna kishte lidhje jashtëmartesore
06/04/2022 16:37
“Serbët hanin mirë, pinin verë e puro”, Bajram Kosumi tregon prapaskenat e Rambujesë: Ibrahim Rugova u sëmur kur…
27/04 17:04
Të tjera detaje janë zbuluar nga tragjedia në Greqi, ku tre vajza të mitura dyshohet se u vranë nga nëna e tyre, Roula Pispirigou.
Sipas asaj që raporton Protothema.gr, Roula Pispirigou, e cila u la në paraburgim me akuzën e vrasjes së vajzës 9-vjeçare dyshohet se ka pasur një lidhje jashtëmartesore.
Lidhjen ajo ia ka treguar burrit të saj, Manos Saskalakis, teksa ky i ka kërkuar divorcin. Kjo periudhë është në kohën kur Georgina u shtrua për herë të parë në spital.
“Mars 2021, Malena tashmë ka vdekur, Irisiishte ende gjallë. Manos mëson për një lidhje jashtëmartesore të Roulës, një lidhje të shkurtër që Roula Pispirigou kishte me një burrë nga Patras. Manos Daskalakis e mori vesh, e pyeti dhe Roula Pispirigou rrëfeu. Manos në atë kohë ishte në një lidhje paralele”, tha gazetarja Kelly Heinoporou.
Gazetara shton se Manos kërkoi divorcin, po një tjetër tragjedi ndodhi në familjen e tyre.
“Manos del nga shtëpia, shkon te një avokat për një kërkesë divorci. Por ai nuk e arrin dot, sepse më 21 mars 2021, Irisi vdiq në krevatin e saj. Manos kthehet në shtëpi për 2-3 ditë dhe largohet sërish. Disa ditë më vonë, më 5 deri më 7 prill, Roula Pispirigou zhduket nga shtëpia, shkon te Georgina dhe kërcënon t’i japë fund jetës. Manos Daskalakis nuk i intereson, shkon te avokati sërish për divorc dhe më 8 prill 2021, Georgina shtrohet në spital dhe më 11 prill ndodhet në ICU me një dëmtim shumë të rëndë në tru”.
Top Channel
