Rusia kryen sulm masiv në Odesa, mijëra ukrainas mbesin pa ngrohje 15/11 08:51
Mbi 7.1 milionë ukrainas janë të zhvendosur brenda vendit, të detyruar të largohen nga shtëpitë e tyre.
Sipas raportit të fundit të Organizatës Ndërkombëtare për Migracionin (IOM) ka një rritje prej 10% të numrit të personave të zhvendosur brenda vendit që nga sondazhi i parë i IOM-it më 16 mars.
“Korridoret humanitare nevojiten urgjentisht për të lejuar evakuimin e sigurt të civilëve dhe për të siguruar transportin dhe shpërndarjen e sigurt të ndihmave humanitare shumë të nevojshme për të ndihmuar me shpejtësi të zhvendosurit brenda vendit”, tha drejtori i përgjithshëm i IOM-it, António Vitorino.
Më shumë se 50% e familjeve të zhvendosura kanë fëmijë, 57% përfshijnë anëtarë të moshuar dhe 30% kanë njerëz me sëmundje kronike, sipas sondazhit.
Më shumë se një e treta e familjeve të zhvendosura treguan se nuk kanë pasur të ardhura muajin e fundit, tha IOM.
Me më shumë se 4.2 milionë refugjatë që janë larguar nga Ukraina për në vendet fqinje, sipas Komisionerit të Lartë të Kombeve të Bashkuara për Refugjatët, gjithsej të paktën 11.3 milionë njerëz janë zhvendosur që nga fillimi i pushtimit rus në fund të shkurtit.
Top Channel
