Grabitet banka në Kosovë, tre persona të armatosur terrorizuan qytetarët
01/04/2022 14:25
Vrasja e Liridona Ademajt, eksperti i Çështjeve të Sigurisë: Është liruar nga qelia njëri prej personave që shiti armën e krimit 04/05 14:12
Një bankë e nivelit të dytë është grabitur mëngjesin e së premtes në lagjen dardania në Prishtinë.
Tre persona ende te paidentifikuar nga policia hynë në bankë dhe nën kërcënimin e armës kanë marrë një sasi lekësh ende të papërcaktuar. Mediat vendase raportojnë se stafi i bankës dhe qytetarët që kanë qenë në bankë në ato momente për të marrë shërbimet e tyre kanë mbetur të shokuar nga akti i rëndë, i cili fatmirësisht solli vetëm humbje monetare dhe jo dëme në njerëz.
Policia e Kosovës thotë se ngjarja ndodhi në orën 8 e 40 të mëngjesit por ende nuk kanë zbuluar më shumë detaje.
Ndërkohë menjëherë pas ngjarjes shoqata e bankave të kosoves ka reaguar duke i bërë thirrje policisë që të zbardhë sa më shpejt ngjarjen dhe të dënohen maksimalisht autorët, në mënyrë që të mos ketë më përsëritje të një akti të tillë
Ata ngrenë shqetësimin se në vitet e fundit sektori bankar është hasur me numër të lartë të sulmeve nën kërcënimin e armës.
Top Channel
