I rrethuar nga importuesit ushqimorë, kryeministri Edi Rama paralajmëroi se masat e qeveris për të mbajtur krizën e çmimeve nën kontroll nuk do të jenë mjaft që t’i japin fund një krize që ka lindur jashtë kufijve dhe mundësive të Shqipërisë.

Por deri atëherë mekanizmat ndërhyrës do jenë të ngjashëm me ato të paketës së krizës për pandeminë: Garancitë sovrane.

Por skepticizmi i shoqërisë mbetet i lartë, sidomos mbi transparencën e këtyre vendimmarrjeve, të cilat ndikojnë direkt në kuletën dhe jetën e konsumatorit. Në distancë, shqetësimin se këto vendimmarrje ndihmojnë më shumë grupet e biznesit sesa njerëzit e thjeshtë, e ndajnë dhe vetë elemente të mazhorancës.

Erion Brace: A ka mundësi që një nga qeveria, ministër, Kryeministër të jetë çfarë të dojë po një zyrtar i qeverisë të bëjë transparencë për të gjithë transaksionin e karburantit nga blerja në bursë deri në shitje… Pra, janë disa elemente që duhet të ishin të shkruar tek ai akti normativ dhe duhet të kishte një element themelor, transparencën.

Edi Rama: Mua më duket ide jashtëzakonisht pozitive dhe për tu marrë në konsideratë menjëherë që mbledhja e Bordit për produktet bazë të bëhet transparente komplet dhe që vetë ju, me letrat në dorë, me një tabelë atje, të shpjegoni strukturën e çmimit, ta shohin të gjithë.

Erion Brace: A ka mundësi një njeri të na i shpjegojë, kush e blen naftën që tregtohet në Shqipëri? Kush e sjell këtu? Ku e sjell? Ku e depoziton këtu? Gjithsecili të mbajë atë që i takon!

Edi Rama: pastaj ata që duan të interpretojnë do vazhdojnë të interpretojnë, nuk kemi çfarë t’i bëjmë. Ata që duan të bëjnë luftën me faktet, do vazhdojnë të bëjnë luftë me faktet.

Top Channel