Dueli i Ligës së Kombeve në Tiranë/ Flet trajneri çek: Shqipëria ka një ekip cilësor, nuk do lejojmë të përsëritet ndeshja e vitit të kaluar 15/11 16:54
Skuadra e Konyasporit, në Superligë e Turqisë, në radhët e së cilës luajnë tre futbollistë shqiptarë, nuk ia doli të merrte pikë në fushën e Fenerbahces më duelin e drejtpërdrejtë për zonën Champions.
Skuadra nga Stambolli fitoi me përmbysje 2-1 dhe tashmë diferencë mes dy skuadrave nbë klasifikimin e përgjithshëm është reduktuar në vetëm dy pikë (55 Konyaspori dhe 53 Fenerbahce.
Sokol Cikalleshi dhe Endri Çekiçi, lojtarë të Kombëtares Shqiptare, si dhe “dardani” Zymer Bytyqi u aktivizuan titullarë, madje sulmuesi anësor i Kosovës realizoi golin e parë të sfidës në minutën e 35-të.
Vendësit sigurisht që nuk mund të pajtoheshin me këtë rezultat, ndaj ushtruan presion të vazhdueshëm për të përmbysur shifrat dhe ia dolën mbanë. Kim Min-Jae barazoi rezultatin në të 65-tën dhe një minutë para përfundimit të kohës së rregullt Pelkas shënoi golin e fitores për Fenerbahcen. Cikalleshi qëndroi gjatë gjithë ndeshjes në fushë, ndërsa Çekiçi dhe Bytyqi lanë fushën respektivisht në minutat 66’ dhe 74’.
Top Channel
