Analiza nga VOA/ Shqetësim në Ukrainë ndërsa shtohen sulmet ruse dhe zbehet mbështetja perëndimore 16/04 18:50
Ushtria ukrainase tha se trupat ruse kanë hapur zjarr ndaj një konvoji që po evakuonte civilët nga qytetet e rrethuara ukrainase, duke vrarë shtatë persona.
Sipas autoriteteve ukrainase, në konvojin e sulmuar po udhëtonin gra dhe fëmijë, të cilët po largoheshin nga një fshat në veriperëndim të Kievit.
Sipas Ministrisë së Mbrojtjes së Ukrainës një prej viktimave ishte fëmijë.
Inteligjenca ukrainase tha se incidenti ndodhi në një korridor humanitar të hapur për të evakuuar civilët nga fshati Peremoha. Ky korridor, siç thanë autoritetet ukrainase, ishte hapur me pajtimin e dy palëve.
Inteligjenca tha po ashtu se banorët e tjerë që i shpëtuan këtij sulmi u detyruan që të ktheheshin në Peremoha dhe nuk po lejohen që të largohen nga ky fshat.
Ukraina në disa raste e ka akuzuar Rusinë se nuk po respekton marrëveshjet e armëpushimit për evakuimin e civilëve dhe po sulmon caqe civile.
Top Channel
