Pas luleve të 7 marsit, vijon normaliteti, duket se nxënësit jo vetëm nuk i duan por as nuk i respektojnë mësuesit.
Nxënësi: Jo të gjithë janë korrekt në mësim. Kur mësuesja nuk është e vëmendshme ka nxënës që fillojnë e shajnë.
Brenda ambjenteve të shkollës, gjimnazistët sillen pa edukatë duke mos zbatuar rregulloren, që përvec të drejtave ju përcakton edhe detyrimet..
Pandora Shalari, ish-mësuese matematike: Ka rënë autoriteti i mësuesit.
Që në vitin 76’, Pandora u bë pjesë e sistemit arsimor si mësuese e matematikës. 70 vjecarja është pranë nxënësve edhe sot me kurset plotësuese; por që ndjen keqardhje se si ndryshe nga vite më parë figura e mësuesit është nënvlerësuar.
“Më vjen për të qarë. Sinqerisht, jam e shokuar me komunikimin mësues-nxënës. Ne edhe kur kalonim pranë tyre ngriheshin në këmbë në shenjë respekti sot flasin harbutërisht”.
Ndryshimin e marrëdhieneve mësues-nxnëës e shikon edhe Burbuqe Bashaj, e cila pas 30 vitesh eksperiencë vazhdon mësimdhënien e gjuhës shqipe në shkollën Dhora Leka.
Burbuqe Bashaj, mësuese e gjuhës shqipe: “Unë kam qenë në arsim që para demokracisë, atëherë isha 22 vjec e jepja mësim në gjimnaz me 18 vjeçar dhe sërish kisha autoritet. Sot duhet shumë punë për të fituar autoritetin”.
Top Channel
