“Rrezikohet integriteti i zgjedhjeve në Gjermani se mungon koha?”, analiza e DW: Partitë e vogla pa burime për të krijuar shpejt listat e kandidatëve 15/11 07:20
Kryeministrja e Danimarkës i ka kërkuar sot ndjesë personalisht gjashtë inuitëve etnikë nga Groenlanda të mbijetuar nga 22 fëmijë që ishin marrë me forcë nga familjet e tyre 70 vjet më parë.
Ata ishin pjesë e një “eksperimenti social” për krijimin e një “elite” danisht-folëse nga popullsia vendase, në eventin e kritikuar gjerësisht pas daljes në dritë vitet e fundit.
“Ajo që u detyruat të kaloni ishte e tmerrshme. Ishte jo-njerëzore dhe e padrejtë”, i tha kryeministrja Mette Frederiksen gjashtë të mbijetuarve në një ceremoni në kryeqytet.
“Ne marrim përgjegjësinë dhe bëjmë atë që është e drejtë në sytë tanë, t’ju kërkojmë ndjesë për atë që ka ndodhur”, tha ajo.
Verën e vitit 1951, 22 fëmijë inuitë të moshave nga pesë deri në tetë vjeç u dërguan në Danimarkë nga Groenlanda, e cila asokohe ishte koloni daneze dhe tani ka fituar pavarësinë.
Prindërve u ishte premtuar se fëmijët do të kishin një jetë më të mirë, do të mësonin gjuhën daneze e më vonë do të ktheheshin në Groenlandë.
Prej atëherë fëmijëve nuk iu lejua të kontaktonin me familjarët.
Pas dy vjetësh 16 prej tyre ishin dërguar në shtëpi në Groenlandë por u vendosën në një hetimore dhe sot vetëm gjashtë prej tyre janë gjallë.
Top Channel
