Nafta e gazi çmime rekord, kaos në tregjet botërore të energjisë!
06/03/2022 13:13
Skandali në Fiks Fare/ “Vdes për p… dhe lekë”, avokati i kërkon favore seksuale klientes, bashkëpunon me ish-burrin e saj
26/04 10:49
Çmimet britanike dhe europiane të gazit shënuan të dyja nivele të reja rekord teksa lufta e Ukrainës po bën kërdinë edhe në tregjet e energjisë, duke kërcënuar të godasë koston e jetesës.
Indeksi NBP në Londër u rrit në një moment në mbi 500 pikë përqindjeje, duke tejkaluar nivelin më të lartë të të gjitha kohërave të vendosur në dhjetor, mes një situate të rënduar që shkaktoi kolapsin e një sërë furnizuesish të gazit për përdorim familjar. Edhe indeksi për gazin europian, The Dutch Title Transfer Facility, preku 200 eurot për të parën herë, megjithatë më pas arriti të stabilizohej sërish.
Analistët e tregut paralajmërojnë për luhatje të tjerë të reja mes rrezikut të problemeve të mëdha të furnizimit, sanksioneve dhe një vale të re të ftohti. Çmimet e larta të gazit kanë detyruar tashmë Ofgem të rrisë kufirin e çmimit që furnizuesit mund të vendosin, me një maksimum të ri të pritshëm prej 1,97 paund.
Rritja reflektoi një katërfishim të çmimeve të tregut të energjisë përpara se Rusia, furnizuesi i dytë më i madh i gazit në botë, të pushtonte Ukrainën, vend përmes të cilit kalojnë shumë prej tubacioneve të saj të gazit në Europë. Çmimet janë rritur përsëri që nga shpërthimi i luftës, duke nxitur paralajmërime se kufiri i faturave mund të lëvizë ndjeshëm sërish. Rusia furnizon me gaz gati 40% të kontinentit te vjeter, e tregjet tani po mundohen shumë të vlersojnë ndikimin e një ndërprerjeje të gazit rus qoftë për shkak të konfliktit, qofte prej sanksioneve të perëndimit.
Top Channel
