Rusia kryen sulm masiv në Odesa, mijëra ukrainas mbesin pa ngrohje 15/11 08:51
7 të vdekur dhe disa të zhdukur është bilanci i mbytjes së një varke me emigrantë klandestinë në ishullin e Mytilinit në Egjeun lindor.
Ngjarja ndodhi gjatë orëve të natës në vendin e quajtur Skala, në ngushticën mes brigjeve greke dhe atyre turke.
Roja bregdetare greke e cila shkoi në vend ngjarje deklaroi se tragjedia ka ndodhur gjatë orëve të natës vonë,në kohën që në zonë mbizotëronte det i trazuar.
Ende nuk dihen rrethanat në të cilën ndodhi tragjedia,ndërkohë që autoritet helene po kërkojnë ende në ujërat e ftohta të Egjeut për gjetjen e të mbijetuarve.
Rruga e kalimit të trafikut ilegal mes brigjeve turke dhe ishullit të Mitilinit në Greqi ishte mbyllur kohët e fundit për shkak të masave të marra prej rojes bregdetare greke dhe frontex, por duket se trafikantët shfrytëzuan përqendrimin e forcave greke më më veri të detit Egje për shkak të ngjarjeve në Ukrainë, për të rinisur trafikun ilegal të qenieve njerëzore.
Trupa e viktimave do të dërgohen në varrezën e ishullit ku do të varrosen në një vend të veçantë së bashku me qindra emigrantë të tjerë që kanë humbur jetën gjatë viteve të fundit në të njëjtën zonë.
Top Channel
