Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 19/12 22:54
Vetëm pak orë pas dasmës, Yaryna Arieva dhe Sviatoslav Fursin iu bashkuan forcave për të mbrojtur vendin e tyre. Ata do të martoheshin në muajin Maj, por nxituan që të celebroheshin javën e kaluar në Kiev kur Rusia futi trupat për pushtimin e Ukrainës.
Të veshur me rroba lufte, çifti foli për CNN duke treguar se po e kalojnë muajin e mjaltit në luftë.
“Është e vështirë për ta kuptuar, ky është realiteti i ri që ne kemi”, tha Arieva, e cila është nga Kievi.
Ajo shtoi se është dita e parë e pranverës dhe zakonisht njerëzit duhet të jenë duke mbjellë lule në vend që të jenë duke i rezistuar sulmit rus.
“Askush nuk thotë që do të humbasim apo të qajë. Secili beson se do të fitojmë, është thjesht çështje kohe. Kështu që jam shumë e lumtur të shoh që disa njerëz po bëhen gati për luftë. Gati për të vrarë për tokën e tyre. Nuk ka asnjë dyshim që do e fitojmë këtë luftë”, tha ajo.
Bashkëshorti i saj, i cili ka lindur në Lviv tha se njerëzit gjithmonë duan të jenë të lirë, ndaj do të luftojnë për lirinë e tyre.
Top Channel
