“Mos bëj zhurmuesen, ke gënjyer sistematikisht”, Veliaj përplaset me Tabakun

Partia Demokratike pretendon se Veliaj në kundërshtim me ligjin për vetëqeverisjen vendore ka dhënë miratimin për projektin e inceneratorit të Tiranës, në një kohë kur kjo kompetencë i takonte Këshillit Bashkiak të Tiranës.

Veliaj ka nxjerrë vendimin e Këshillit Bashkiak te Tiranës duke thënë se ka qenë Qarku i Tiranës që ka përcaktuar Bashkinë e Tiranës.

Ai deklaroi se ai është shprehur vetëm në parim për procedurën dhe më pas ka qenë Këshilli Bashkiak i Tiranës për ta marrë vendimin.

Veliaj: Po ju betoheni që nuk do gënjeni se ju kam dëgjuar në mënyrë sistematike.

Tabaku: Dëshmitar fokusohuni tek pyetjet e mia.

Veliaj: Unë ju respektova, pres të më respektoni.

Tabaku: Sipas pikës 5, ju nuk e keni këtë kompetencë për të cilën keni firmosur.

Veliaj: Ju s’mund të bëni gjyqtaren, kjo që po bëni është e pandershme, duhet të më lësh të përgjigjem.

Tabaku: Nuk më bën dot pyetje mua, unë jam betuar si deputete e Kuvendit, mos prish mbledhjen më dëgjoni zoti Veliaj.

Veliaj: Duhet të më lësh të përgjigjem, do më lësh të përgjigjem s’mund të bëni pyetje pa përgjigje.

Tabaku: Mos prishni mbledhjen.

Veliaj: Është minimumi i etikës, baza e mirësjelljes për bashkëjetesë, bëtë pyetjen do dëgjoni përgjigjen.

Tabaku: Përgjigjuni pyetjeve që kam.

Veliaj: Nuk e caktoni ju përgjigjen time, e cakton ligji.

Tabaku: Nuk jeni këtu për të bërë pyetje.

Veliaj: Do më japësh kohën të përgjigjem

Tabaku: E pandershme të vish kështu e të bësh propagandë e ke gjithë kohën të.

Veliaj: Jam përgjigjur me logon e Bashkisë, mos bëj zhurmuesin, ke gënjyer në mënyrë sistematike.

Tabaku: Me qetësi, zhurmuesin je i dalluar që e keni bërë ju, mos bëj propagandë.

Veliaj: Kjo është e pandershme, thellësisht e pandershme kjo që po bën.

Tabaku: Po merr peng komisionin që ke përgjegjësi te japësh përgjigje.

Veliaj: Po e drejton në mënyrë të pandershme, nëse ke bërë pyetje do dëgjosh përgjigjen, a e bërë pyetjen do dëgjosh përgjigjen. Ja ku i ke specifikat e pronës që thotë kjo pronë është në pronësi shtetin, nëse do kishit vajtur në punë në bashkinë e Tiranes do kuptonit që prona shtet sa kohë është pronë bashkiake s’mund të pyetet Këshilli Bashkiak për një pronë që nuk e ka. Ajo që gënjeni sistematikisht e thoni që s’ka vendim të Këshillit Bashkiak ta thashë që unë betohem e do them të vërtetën.

Tabaku: I cilit vit është ky vendim.

Veliaj: Më keni vënë atribute që nuk i kam.

Tabaku: Po ngatërroni qëllimisht çështjen.

Veliaj: Mund të biem dakord që nuk biem dakord por do dëgjojmë njëri tjetrit, ti mund të bësh pyetjet por jo përgjigjet e mia.

Në seancën e Komisionit Hetimor për impiantet e trajtimit të mbetjeve urbane, janë të pranishëm edhe dy përfaqësues të Ambasadës Britanike. Përfaqësuesit e ambasadës janë të pranishëm në seancën e Komisionit me kërkesën e tyre.

Komisioni do të ketë një seancë dëgjimore nga ku po jep dëshminë e tij kryetari i Bashkisë Tiranë, Erion Veliaj. Teksa në vijim pritet të dëshmoje gjithashtu edhe Sekretari i Përgjithshëm i Kryeministrisë, Engjëll Agaçi dhe ish-ministri i Infrastrukturës Damian Gjiknuri.

Top Channel