FOTO/ Heidi konfirmon ndarjen nga Romeo? Veprimi i fundit i ish-banores së Big Brother VIP ngre dyshime në rrjet
04/11 21:41
Thatësira që ka zbrazur një rezervuar në Spanjë ka nxjerrë në dritë rrënojat e frikshme të fshatit që ishte fundosur nga ndërtimi i digës.
Pas thuasje dy muajsh pa reshje, rishfaqja e rrënojave të Aceredo po ngjallin shumë emocione mes banorëve lokalë.
Majat e çative që dukeshin në sipërfaqe ishin bërë një pamje e zakonshme në rezervuarin Lindoso në veri perëndim të Spanjës.
Por tashmë vendasit mund të shikojnë mbetjet e një makine, shatërvanin e gurit dhe një rrugë të vjetër që të çonte te ajo që ishte më parë bari i qytezës.
Pjesë të vjetra të fshatit të Aceredo kishin nisur të duken që prej përmbytjes së tij 30 vjet më parë nga ndërtimi i digës së hidrocentralit.
Por asnjëherë skeleti i tij nuk ishte shfaqur i gjithi në mes të sezonit të dimrit.
Pensionisti Maximino Perez Romero, 65 vjeç, nga A Coruna, tha se ishte si të shikoje një film.
“Kam një ndjenjë trishtimi. Më parë vendiu ishte i mbushur me vreshta dhe pemë portokallesh, ishte gjithçka e gjelbër dhe e bukur. Shiko sa e trishtë është tani.
Ndërsa 72 vjeçari Jos Luis Penn, thotë se ndalonte në barin e fshatit me miqtë e tij në fund të çdo dite peshkimi.
Ai shton se zonat e thata të gadishullit Iberik po shikojnë periudha të gjata të thata që kanë nisur te dëmtojne të mbjellat.
Top Channel
