Zgjaten mandatet e Vettingut, OSBE: Përgëzojmë konvergjencën mes opozitës dhe maxhorancës

10/02/2022 19:20

Prezenca e OSBE-së në Shqipëri ka reaguar pasi në Kuvend u votua pro zgjatjes së afateve të vettingut.

Përmes një njoftimi Prezenca e OSBE-së në Shqipëri përgëzon konvergjencën mes opozitës dhe maxhorancës dhe shkruan se kjo votë njeh faktin që Kushtetuta u përket të gjithë qytetarëve shqiptarë.

Postimi i plotë:

Prezenca e OSBE-së në Shqipëri mirëpret vendimin ndërpartiak të Kuvendit për të zgjatur mandatin e institucioneve të vetingut. Kjo votë njeh faktin që Kushtetuta u përket të gjithë qytetarëve shqiptarë, dhe ne përgëzojmë konvergjencën mes opozitës dhe maxhorancës. Përfundimi i reformës në drejtësi është i një rëndësie kyçe. Është po aq e rëndësishme që të gjitha forcat politike të vijojnë në rrugën e reformës me këtë frymë respekti të ndërsjellë për të mirën e interesit kombëtar. Prezenca e OSBE-së do të vijojë t’u ofrojë mbështetje të plotë institucioneve shqiptare, në bazë të mandatit të saj dhe të bashkëpunimit tonë afatgjatë.

Po ashtu, përshëndesim ngritjen e komisioneve të posaçme për reformën zgjedhore dhe atë territoriale. Prezenca mbetet e gatshme të vijojë të ndihmojë institucionet e Shqipërisë për zbatimin e rekomandimeve të OSBE/ODIHR-it.

Top Channel