Begaj takohet me Tajanin në Kalabri, diskutime për thellimin e bashkëpunimit mes Italisë dhe Shqipërisë në çështje rajonale dhe globale 02/05 22:00
Ergys Mërtiri i ftuar në studion e Open në Top Channel mbrëmjen e sotme për të diskutuar për shtyrjen e mandatit të Vetting-ut, tha se duke i bërë opozitë opozitës forcohet Edi Rama.
“Jam me Bashën se jam kundra Ramës, sepse duke i bërë luftë opozitës i bëni nder Edi Ramës. Unë nuk bëj opozitë me vila, unë kam argumenta politike. Kemi dy rrugë, o ta votosh ose mos ta votosh. A është reforma në drejtësi e keqe?
Po, Vettingu ka qenë i padrejtë, nuk ka qenë i paanshëm. Është proces që ka nisur. Nëse opozita do vendoste të mos shtyhej, do bëhej që këtë proces ta bënte KLGJ-ja, që e ka kapur po Rama.
Do përfitojnë duke e shtyrë në kohë. Dhe këta propozojnë tani o të gjitha o asgjë,” tha Mërtiri.
Socialistët dhe demokratët gjetën dakordësi për të votuar zgjatjen e vettingut. Koha e vijimit të punës së komisioneve që po përzgjedhin gjyqtarët dhe prokurorët do zgjatet edhe me 30 muaj në mënyrë që të përfundojë i gjithë procesi.
Sot në Parlament, u shpjegua se përse duhej ndërmarrë ky veprim. Ndërkohë që u shpjegua edhe fakti se do nisë punën edhe komisioni i reformës zgjedhore dhe reformës territoriale ndërkohë që u zhbllokua puna e komisionit hetimor për inceneratorët.
Top Channel
