“Ballkani na ka ne”/ SHBA e BE angazhohen për sigurinë energjetike të rajonit
07/02/2022 14:12
Ministrja gjermane: G7 duhet t’i përgjigjet sulmit të Iranit kundër Izraelit 18/04 22:35
Tensionet me Rusinë dhe pasojat që ato mund të kenë edhe mbi furnizimin me energji apo dhe koston e saj, po shndërrohen ngadalë në një prioriret gjeostrategjik.
Në Washington, zhvillohet takimi i Këshillit të përbashkët të Energjisë BE-SHBA me përfaqësues të administratës Biden dhe asaj të bllokut europian.
Të pranishëm në mbledhje do të jenë sekretari amerikan i Shtetit, Antony Blinken, sekretarja amerikane për Energji, Jennifer Granholm, përfaqësuesi i lartë i BE-së për Politikë të Jashtme dhe Siguri, Josep Borrell, komisionarja europiane për Energji, Kadri Simson dhe përfaqësues të tjerë nga të dyja palët. Kryetarja e Komisionit Europian, Ursula von der Leyen tregoi se qëllimi i takimit është bashkëpunimi për të zvogëluar varësinë nga rusia përsa i takon furnizimit të Europës me energji.
Temë diskutimi është dhe siguria e furnizimit me energji e Ballkanit Perëndimor dhe integrimi energjetik i rajonit me BE-në do të jenë temë diskutimi në takimin e Këshillit BE-SHBA. Në draft-deklaratën që pritet të miratohet, një pjesë e zë edhe pjesa për Ballkanin Perëndimor.
“Këshilli përsërit rëndësinë e ndërtimit të një sistemi konkurrues, transparent dhe të integruar energjetik në Ballkanin Perëndimor dhe tregjet e asociuara, reformat e rregullatorëve në përputhje me politikën e zgjerimit dhe obligimet nga Traktati i Komunitetit të Energjisë”, thuhet në draft-deklaratë.
Top Channel
