Video/ Pamje apokaliptike, të paktën 94 të vdekur nga cikloni ‘Shinto’ 22/12 14:46
Realiteti virtual mund të hyjë vërtet në jetën e njerëzve, por disa gjëra mbeten të pandryshuara pavarësisht ndikimit të madh që ai po fiton, e një prej tyre është Haxhi.
Pas muajsh të tëra diskutimesh, Presidenca Turke për Çështjet Fetare, Diyanet, e vulosi vendimin e saj: Një vizitë në Qabe përmes metaverses nuk do të konsiderohet “haxh i vërtetë”.
Një gjë e tillë, nuk ka sesi konsiderohet akt i vërtetë fetar, thuhet në një deklaratë të saj.
“Kjo nuk mund të ndodhë. Besimtarët mund të vizitojnë Qaben në metaverse, por kurrë nuk do të konsiderohet një akt i vërtetë besimi. Këmbët e njeriut duhet të prekin tokën”, tha Remzi Bircan, drejtor i shërbimeve të Haxhit dhe Diyanetit, i cituar nga mediat turke.
Sipas Birçanit, Haxhi duhet dhe do të praktikohet në vazhdimësi vetëm duke shkuar personalisht në qytetin e shenjtë, dhe kjo, në jetën reale.
Versioni meta-universal i Qabes ngjalli debate mes myslimanëve në mbarë botën në vazhdën e “Iniciativës Virtuale të Gurit të Zi” të Arabisë Saudite dhjetorin e vitit të kaluar, kur besimtarëve iu lejua të shihnin virtualisht nga shtëpitë e tyre gurin e njohur si Haxhër Asvad në qytetin e Mekës.
Top Channel
