Agresioni rus, Erdogan takohet me shefin e NATO-s, diskutojnë fundin e luftës në Ukrainë 25/11 20:42
Një vajzë 21-vjeccare shtatzënë ka vdekur në një aksident të tmerrshëm kur flokët e saj u kapën nga një makineri që prodhonte tel saldimi, gjatë një vizite në një fabrikë në Bjellorusi.
Umida Nazarova, e cila ishte shtatë javë shtatzënë, po aplikonte për punë në fabrikën Svarmet në Borisov e cila prodhon elektroda dhe tel saldimi, raporton rrjeti East2West News.
Teksa dikush po i tregonte ambjentet e fabrikës, flokët e saj mbetën të ngecura tragjikisht në një prej makinerive industriale.
“Flokët e saj iu mbështollën rreth qafës”, tha nëna e saj Olga, për mediat. “Sikur të mos i ishin shkulur nga koka, do të kishte vdekur e mbytur nga flokët e saj”.
Megjithse ishte çliruar nga kapja, Nazarova raportohet se nuk u zgjua më kurrë dhe vdiq nga plagët.
“Humbën dy jetë, ajo ishte shtatë javë shtatzënë. Ata e panë që i kishte flokët e gjata, përse nuk i dhanë diçka që t’i mbulonte?” tha babai i saj Dmitry.
Hetuesit bjellorusë thanë se në momentin e tragjedisë, punonjësja që po shoqëronte Nazarova ishte kthyer për të bërë një regjistrim në parametrat.
“Kur ajo ktheu kokën, vajza ishte përtokë pa ndjenja. Flokët e saj ishin kapur në makineri”, thanë hetuesit.
Një zyrtar i fabrikës është akuzuar për “mangësi në detyrën zyrtare prej neglizhencës … duke shkaktuar vdekjen e një personi.”
Fabrika kishte paguar për funeralin e të resë, sipas rrjetit East2West.
Nëna e viktimës tha se familja “dëshironte të celebronte martesën e saj dhe të priste nipin ose mbesën që do të lindte. Nuk është kjo që desha për fëmijën tim”.
Top Channel
Agresioni rus, Erdogan takohet me shefin e NATO-s, diskutojnë fundin e luftës në Ukrainë 
