Armëpushim 30-ditor në Ukrainë? Liderët europianë dhe Zelensky marrin vendimin e papritur 10/05 22:54
Në një konferencë shtypi me homologun polak në Pragë, kryeministri çek Petr Fiala, njoftoi sot marrëveshjen për një minierë gjigante qymyri që kishe përçarë Varshavën e Brukselin.
Miniera e hapur në jugperëndim të Polonisë furnizon një central të rëndësishëm elektrik në vend.
Por Çekia e Gjermania ishin ankuar se miniera krijonte ndotje akustike, pluhur dhe kontaminim të ujërave nëntokësore.
Lideri polak tha se shpresonte që Çekia të tërhiqte ankesën e saj në gjykatën e BE dhe që problemi të merrte fund.
“Ne nuk mund të përballojmë mbylljen e minierës pasi kjo do të sillte mbylljen e centralit elektrik të Turov”, tha Moraviecki.
“Centrali është pjesë e sistemit tonë të energjisë dhe punëson më shumë se 20 000 njerëz në rajon”, shtoi lideri polak.
Në shtator gjykata e BE urdhëroi mbylljen e impjantit minerar të shoqëruar me gjobë 500,000 euro në ditë, deri në realizimin e masës.
Por në një seri debatesh me Brukselin qeveria e Morawiecki ka refuzuar të mbyllë minierën apo të paguajë gjobat.
Akordi i ri parashikon që Polonia të monitorojë zhurmën e shkaktuar nga miniera, si dhe ndotjen e cilësisë së ujit e të ajrit.
Sipas akordit të ri miniera do të vijojë funksionimin deri në vitin 2049.
Top Channel
