Prokuroria Themelore e Prishtinës ka kërkuar paraburgim për Dardan Molliqajn dhe Adem Megjuanin, të dyshuar për veprën penale “sulm ndaj personit zyrtar”.
Lajmin për Telegrafin e ka konfirmuar zëdhënësja e Prokurorisë Themelore në Prishtinës, Laureta Ulaj.
“Prokuroria ka paraqitur kërkesë për caktimin e masës së paraburgimit ndaj dy të ndaluarve, në drejtim të veprës penale “Sulmi ndaj personit zyrtar”, tha ajo.
Kryetari i Partisë Socialdemokrate, Dardan Molliqaj është arrestuar të martën nga Policia e Kosovës, teksa po shkonte në një emision televiziv.
Molliqaj është ndaluar nga disa pjesëtarë të policisë, të cilët e kanë futur në veturë.
Kreu i PSD-së kishte goditur shuplakë një pjesëtar të Policisë së Kosovës në protestën kundër shtrenjtimit të rrymës.
Molliqaj kishte thënë në lidhje me incidentin se përgjegjësia i bie atij, sepse ai ishte ofenduar nga zyrtarët policorë.
Përveç Molliqajt, edhe aktivisti tjetër i PSD-së, Adem Megjuani është arrestuar sot pasi sulmoi policin gjatë protestës.
Megjuanit u ndalua për 48-orë, ndërsa PSD-ja përmes një reagimi të martën kërkoi lirimin e menjëhershëm të tij.
Top Channel
