Bullizmi në rrjete sociale ka prekur profesorin Lulzim Paci nga Vushtria e Kosovës. Ai publikoi në Tik Tok një video duke kërcyer një valle tradicionale në shtëpinë e tij, me shkrimin “traditat kombëtare nuk harrohen”.
Por deputetja Fjolla Nujkani e ka quajtur profesorin jo të denjë për të edukuar nxënësit e gjimnazit “Eqrem Cabej”, pasi video kishte veprime të pahijshme e degjeneruese.
Në një intervistë për Wake up në Top Channel, profesori tregoi ndjesitë e përjetuara nga kjo video e kthyer në virale.
Megjithatë, brenda 24 orëve situata u përmbys. Nga komentet negative, shqiptarët nisën një fushatë mbështetëse për profesorin e Tik Tokut.
Top Channel
