Emigrantët e “Gjadrit”, Meloni takim me ministrat: Kasacioni na dha neve të drejtë!
23/12 14:22
Rexhep Tajip Erdogan u ofrua të ndërmjetësonte krizën ukrainase, por koha duket nuk premton.
Presidenti turk po përpiqet ti përshpejtojë gjërat, ndaj vendosi të vizitojë vetë Ukrainën këtë të enjte.
Ai do të takohet me presidentin ukrainas, Volodymyr Zelenskiy, takim që ka për qëllim uljen e tensioneve midis Kievit dhe Rusisë, tha një zyrtar turk.
Ankaraja ka raporte të mira edhe me Kievin dhe Moskën, por kundërshton politikat ruse në Siri dhe Libi.
Po ashtu, ka kundërshtuar aneksimin nga Rusia të Gadishullit ukrainas të Krimesë më 2014.
Edhe pse ka zhvilluar bashkëpunim me Rusinë në fushën e mbrojtjes dhe energjisë, Ankaraja po ashtu i ka shitur Ukrainës dronë të sofistikuar, duke e zemëruar Moskën.
“Erdogan do t’i përcjellë mesazhe Zelenskiyt për ruajtjen e paqes në rajon dhe parandalimin e rritjes së tensioneve dhe shpërthimit të ndonjë konflikti”, pohoi zyrtari.
Erdogan po ashtu ka ftuar presidentin rus, Vladimir Putin, që ta vizitojë Turqinë pas Lojërave Dimërore Olimpike, që do të mbahen në Kinë nga 4 deri më 20 shkurt.
“Ne presim që këto dy takime të jenë efektive në uljen e tensioneve midis Rusisë dhe Ukrainës”, pohoi burimi që foli në kushte anonimiteti.
Javën e kaluar, Erdogan tha se nuk do të ishte veprim i mençur nëse Rusia e sulmon Ukrainën dhe nëse ndodh një gjë e tillë, Turqia, si anëtare e NATO-s do të bënte atë që ishte e nevojshme.
Top Channel
