Vdes një 15 vjeçare në Prishtinë, dyshohet se ra nga lartësia e një objekti

30/01/2022 08:31

Një vajzë e moshës 15 vjeçare ka ndërruar jetë mbrëmë në Prishtinë.

Ajo dyshohet se ka rënë nga lartësia e një objekti në rrugën “Muharrem Fejza”.

Rastin e kanë konfirmuar edhe nga Policia e Kosovës, ku kanë bërë të ditur se viktima ka ndërruar jetë në QKUK përkundër përpjekjeve nga ana e stafit mjekësor.

‘’Rreth orës 22:20, është raportuar se në rrugën “Muharrem Fejza” në Prishtinë, një person ka rënë nga lartësia e një objekti.

Policia menjëherë ka dalë në vendin e ngjarjes ku janë ftuar edhe mjekët emergjent të cilët kanë transferuar viktimën për në QKUK. Përkundër përpjekjeve të ekipeve mjekësore, viktima femër, 15 vjeç, ka humbur jetën.

Aktualisht policia ka nisur punën për zbardhjen e plotë të të gjitha rrethanave që karakterizojnë rastin’’, ka konfirmuar policia.

Top Channel