Akuzohet për abuzime, arrestohet ish-zëvendësministri i Kilit! 59-vjeçari…
15/11 22:46
Forca të ushtrisë suedeze në ishullin strategjik Gotland, në Balltik, nisën sot manovra ushtarake për rritjen e kapaciteteve prej tensioneve të luftës në rajon.
Avionë gjuajtës suedeze Gripen, tanke e topa të rëndë ishin mobilizuar në ushtrimet që shtojnë alarmin e konfliktit.
Ndërkohë presidenti ukrainas Volodimir Zelensky i bëri thirrje sot Perëndimit të shmangë krijimin e “panikut” përballë situatës së nderë me trupat në kufi.
“Nuk kemi nevojë për panik,” tha Zelensky në një konferencë me mediat e huaja, duke theksuar nevojën e stabiolizimit të ekonomisë së dëmtuar të vendit.
Ai shtoi se kërcënimi aktual nuk është më i madh se akumulimi i trupave ushtarake në këtë zonë pranverën që shkoi.
“Kemi sinjale se nesër do të ketë luftë, madje edhe nga lider të respektuar. Përse ky panik? A e kuptoni sa i kushton kjo vendit tonë?”, tha Zelinski.
Tentativa e liderit ukrainas për të ulur tensionet vjen pas një komenti nga presidenti amerikan i cili tha sot se “pushtimi i Ukrainës nga Moska do të ndodhë këto ditë”.
Por Zelensky tha se rreziku më i madh për Ukrainën është destabilizimi i situatës brenda vendit.
Perëndimi thotë se Rusia ka dislokuar mbi 100,000 trupa e mjete përgjatë kufirit me Ukrainën dhe kërcënon me sanksione në rast sulmi.
SHBA, Britania e Australia kanë shtuar alarmin në Kiev duke larguar familjet e diplomatëve nga ambasadat.
Ukraina lufton një konflikt separatist në lindje kundër militatëve pro-rusë që prej vitit 2014 që ka marrë më shumë se 1o,000 jetë.
Top Channel
