Berisha në Kuvend dhe replika për Ukrainën, Balla: Deputeti ‘non grata’ s’duhet të ishte në sallë. Drejtësia e re do gjejë pronarët e vërtetë të “Gërdecit”

Balla tha se pozicioni i Shqipërisë në përplasjen Rusi-Ukrainë është i qartë dhe krah aleatëve të NATOS-s dhe se Berisha nuk duhet të ishte fare në Kuvend pasi është një deputet i shpallur non grata.

‘Deputeti parafolës tha se nuk duhet të isha këtu, mirë do ishte, se i vetmi i shpallur non grata nga aleatët nuk duhet të ishte këtu normalisht. Sa i përket çështjes së fishekëve gjuha shkon ku dhemb dhëmbi, ne shqiptarët e dimë sesi u shitën fishekët që shkaktuan edhe tragjedinë e Gërdecit, por falë drejtësisë së re uroj të gjendet pronarët e asaj fabrike vdekje në Gërdec. Qëndrimi i Shqipërisë është i koordinuar me SHBA-në. Prezenca e Shqipërisë në kuadër të NATO-s do të jetë gjithmonë si një aleat i besueshëm. Pozicioni i Shqipërisë është i qartë. ‘- tha Balla.

Ndërsa Berisha tha më herët se:  Si më duket vetja sot., sikur jam në parlamentin e Taxhikistanit. Zonjë a egziston një kërcënim i madh nga një diktator paranojak si Vladimir Putin. Çfarë është kjo narkoqeveri dhe narkoparlament që nuk thotë një fjalë të vetme sikur janë klan i Putinit.

Jam këtu për t’i shprehur solidaritetin të plotë në emër të PD-së popullit ukrainas. Jam këtu për të ngritur zërin dhe për të ndihmuar Ukrainën që kërcënohet nga një barbari e Kremlinit. Shqipëria duhet të ndihmojë Ukrainën të paktën fishekë dhe municione. Por arganti i Beogradit jo më kot hesht. Ju deputetë duhet të ngrini zërin, se përfaqësoni PD-në dhe jo Lul Bravën. Nuk mundet këtu që të dominojë Beogadi me udhëzimet e tij. Ballkani i Hapur është hegjemoni serbe. Të vijnë ata të dy të japin llogari për këtë, edhe kur mungojnë mungojnë së bashku.

Top Channel