Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
Ministri i brendshëm Bassam Malavi njoftoi se autoritetet libaneze kanë kapur një sasi të madhe kaptagoni të fshehur në një dërgesë çaji drejt Arabisë Saudite.
“Puna e palodhur e policisë solli sekuestrimin e kaptagonit, i cili shkonte drejt Togos në Afrikë,” tha ai në konferencën e shtypit.
Destinacioni final i droges do të ishte Arabia Saudite, për të cilën zyra e OKB thotë se është konsumatori më i madh stimulantit të përftuar nga drogat e ndaluara me bazë fenetiline.
Tabletat e ngjashme me ato të amfetaminës besohet se janë prodhuar në Liban ose Siri, dhe ishin fshehur në dërgesën e 7 ton çaj të nisur nga porti i Beirut, shtoi zyrtari.
Arabia Saudite ka vendosur sanksione tregtare ndaj Bejrutit pas kapjes së një ngarkese të ngjashme me kaptagon në një ngarkesë shegësh vitin e kaluar.
Libani është përfshirë në një krizë të rëndë ekonomike dhe sanksionesh, prandaj kërkon të përmirësojë lidhjet me vendet e Gjirit Persik duke treguar vullnet.
Në një tjetër sekuestrim madhor në portin e Beirut muajin e kaluar, rreth nëntë milionë tableta kaptagon u gjetën të fshehura në portokallë të rremë.
Top Channel
