FOTOT/ U bë virale pas një ndeshjeje në Greqi, kush është bukuroshja shqiptare që “çmendi” rrjetin! Flet për mediat vendase: Kur shkova në shtëpi…
15/11 11:46
Disa dhjetra ortodoksë serbë notuan sot për “Kryqin e Shenjtë” në ujërat e akullt të lumit Sava në Beograd.
Temperatura e ujit ishte 2.6°C ndërsa e ajrit 6°C por kjo nuk i ndali besimtarët e Ditës së Epifanisë së Krishtit.
Notari 11 vjeçar Nemanja Xhelosevic, tha se e ndjeu të ftohtin megjithë motivimin e madh.
“Unë arrij ta bëj këtë me mbështetjen e Zotit, si të jetë ftohtë, si mos të jetë ftohtë. Por sot ishte vërtet ftohtë.”
Nëna e tij Vesna Xhelosevic, tha se mbështeste plotësisht iniciativën:
“Unë kam besim te ai dhe te Zoti. E di që Zoti është me të dhe e mbron, prandaj unë ia besoj atij. Kam besim te forca e djalit tim dhe te Zoti”.
Notari tjetër më i moshuar Bogdan Jovicic, foli dhe ai me emocion për sfidën:
“Është pak ftohtë por kur noton për Kryqin e Shenjtë ka një ngrohtësi që të rrethon.”
“Në fakt nuk është aq e vështirë sa mund të duket kur e sheh nga bregu. Unë këtë po e bëj për herë të 18-të.
“Sot nuk është nga ditët më të vështira pasi nuk ka shumë diferencë mes temperaturës së ujit dhe të ajrit”.
Epifania është një festival i fesë kristiane që festohet në fillim ose në mes të janarit dhe celebron mbërritjen e “Të mençurve” që erdhën për të parë Krishtin pas lindjes.
Top Channel
