Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
Një britanik është varë barbarisht nga e dashura e tij indoneziane në ishullin ekzotik Bali, teksa fliste në video me familjarët e tij në Britani.
48 vjeçari Matt Harper dyshohet se është qëlluar për vdekje me thikë nga Emmy Pakpahan në rezortin turistik të Azisë juglindore.
Babai i dy fëmijëve besohet se ishte në një video-telefonatë me bashkëshorten dhe thjeshtrën e tij kur ndodhi ngjarja.
Matt, i cili punonte për kompaninë e hoteleve të luksit Karma, ishte në një marrëdhënie me Pakpahan që prej verës, thonë miqtë e tij.
Pakpahan, me moshë rreth të 40-ave është e lindur në Indonezi por ka qytetari amerikane nga një martesë e mëparshme. Ajo i tha policisë se Matt kishte vrarë veten.
Gruaja i tregonte hetuesve një video ku burri ishte duke vdekur në shtëpinë e tij në Bali disa moments pas sulmit të dyshuar të të enjtes.
Në disa pamje të publikuara e dashura thotë: “Nuk e di çfarë ndodhi, nuk e di”.
Miqtë thonë se dyshja ishin vetëm të dashur por gruaja sugjeron në fotot e saj se ishin të martuar pasi në një foto shkruante “Zoti e Zonja Harper”.
Në një tjetër video të çuditshme në rrjetet sociale ajo filmon veten e saj duke falenderuar miqtë për mbështetjen pas lajmit të vdekjes.
Gruaja thotë në kamera: “Sigurisht që jam e tronditur. Dhe nëse nuk dëgjoni më nga unë, nuk është se nuk dua të përgjigjem por kam nevojë të procesoj gjërat”.
Por policia e Bali e kanë arrestuar atë si të dyshuar për vrasje.
Një tjetër ish-e dashur e Matt në Bali, Allin Efashion, tha për të përditshmen ‘The Sun’: “Kam qenë me të para se të shkonte me Emmy. Ishte njeri i mirë dhe i sjellshëm. Unë e doja shumë. Më dërgoi një tekst pak ditë para se të vdiste, ai thoshte se e urrente Emmy sepse po i shkatërronte jetën”.
“Ai ishte një baba shumë i mirë për dy vajzat e tij dhe thjeshtrën, dhe i dashur nga të gjithë në Britani dhe në Bali. U prehtë në paqe”.
Të tjerë miq të viktimës e përshkruanin Pakpahan si një të dashur “psikopate” që është akuzuar më parë për mashtrime financiare në mijëra dollarë, shkruan e përditshmja britanike The Sun.
Matt kishte ardhur në Bali nga Britania në shkurt 2020. Ai punonte me grupin e hoteleve dhe shpërndate shpesh foto të jetës së tij të re “të ëndrrave” në ishullin indonezian.
Top Channel
