Komisioni i Shëndetësisë/ “Ku është ‘dhoma e rrëfimit’?” Korreshi me batuta, Koçi kërkon “uljen e gjakrave”: Të mos e bëjmë si hetim penal! 23/04 13:52
Ish-ministri i Jashtëm i PS, Ditmir Bushati duke folur në aktivitetin për 30-vjetorin e FRESSH, ndërsa i bëri thirrje të rinjve që të bëhen pjesë e politikës pasi sipas tij vetëm kështu do të bëhet Shqipëria vend evropian.
Ditmir Bushati duke folur ka komentuar situatën në Partinë Demokratike, ndërsa sipas tij, “kriza që po përjeton opozita duhet ta shohim me shqetësim e si mundësi për të shtuar përpjekjet për një PS më të hapur e më demokratike dhe inspiruese të një kulture të re politike që ofron mundësi për të gjithë”.
“Krizën e paprecedentë që po përjeton opozita duhet ta shohim si shqetësim por edhe mundësi për ta bërë PS-në si një mundësi për një kulturë të re politike. Na duhet t’i përgjigjemi dilemës: a është më e thjeshtë të largohesh drejt Gjermanisë apo të bëhemi vend i vërtetë evropianë. për këtë na duhet jo vetëm të jemi partia e të rinjve por t’i bëjmë të rinjtë të flasin. Të ndërtojmë një ekonomi të dijes, duke e vendosur theksin te vlera që sjell shumica dhe jo të përfitimi i pakicës. Talenti dhe profesionalizmi në politikë janë të rëndësishëm. Apeli im për ju sot është se nëse besoni te lodhja e përditshme e politikës dhe jo të indiferenca e saj mos ngurroni të bëheni pjesë e saj”, tha ndër të tjera Bushati.
Top Channel
