“Duhet të vuanim pak”, Southgate pas fitores së Anglisë: Kam besim se do të shënojmë më shumë gola 16/06 23:52
Kryeministri Rama ka zhvilluar sot një bashkëbisedim me demokratët për të folur rreth situatës në Partinë Demokratike, ku mbështetësit e thirrur nga Sali Berisha nuk hezituan të shqyenin derën e të thyenin xhama për të hyrë brenda selisë blu.
Teksa protestuesit hynë në katin e parë dhe dhuna po agravonte, Lulzim Basha kërkoi ndihmën e policisë, e cila ndërhyri menjëherë për të shpërndarë protestuesit. Kryeministri thotë se meritojnë falenderim dhe respekt sepse shmangën tragjedinë dhe mbajtën standardin e njëjtë si për mbrojtjen e godinës së qeverisë.
Edi Rama: Për herë të parë në historinë e vet, policia është sfiduar me potencialin e gjakderdhjes për shkak të një kacafytje në oborr. Policia e stërvitur në tërë këto vite për të përballuar këtë lloj materie politike, këtë lloj qasje dhe drejtimi politik që e përfshin dhunën si mjet në agresionin ndaj godinave, dje meritoi respektin e të gjithëve dhe sot meriton një falenderim të posaçëm sepse mbajti të njëjtin standard siç e ka krijuar në mbrojtjen e godinës së qeverisë nga kjo materie, nga kjo prurje, nga kjo turmë e cila dje ishte e ndarë përgjysmë, njëra pjesë brenda, njëra pjesë jashtë godinës dhe sulmet e të dy palëve pasi u shmang tragjedia.
Gjërat u kthyen në një farë normaliteti janë një shëmbëlltyrë e një të vërtetë të hidhur se të dyja këto kufoma janë shumë larg idesë së shtetit, kulturës së respektit për institucionet sepse janë e njëjta mbetje e ndarë përgjysmë.
Duke qenë se ky është një bashkëbisedim do të doja që të vazhdoja t’i drejtoja këto aspekte të kësaj teme duke i referuar atyre që kanë shkruar.
Top Channel
