Rama përgëzon kombëtaren pas fitores me përmbysje përballë Ukrainës: Forca Shqipëri 08/09 00:38
Oborri i selisë blu do shndërrohet mesditën e së shtunës ne arenën e një përballjeje të paprecedente mes demokratëve.
Sali Berisha, i cili do tentoje te rimarre kontrollin e godinës u rikthye ne PD për të dhënë detaje për protestën qe i dihet vetëm fillimi.
“Protesta jonë paqësore, arma jonë më e fuqishme vendosmëria për realizimin e qëllimeve tona në mënyre paqësore. Nuk ka asnjë diskutim që dyert do hapen, ndaj bunkerit përdorën metoda paqësore s’do e gjuajë kush me mjete luftarake”, tha Berisha.
Kur protesta të nisë në orën 12:00, Lulzim Basha do të jetë brenda godinës me mbështetësit e tij. Lidershipi demokrat ka marrë masa për çdo skenar.
“Janë duke u bërë punime nga më të ndryshmet, detyra jonë të marrim çdo masë për të shmangur çdo mundësi përplasje mes demokratëve, e vetmja derë e veshur me hekur është dera ku ndodhen panelet elektrike të godinës qendrore të Partisë Demokratike“, tha Bardhi.
Deklaratat e bëra pak orë para protestës, paralajmërojnë zhvillime të paparashikueshme në shtëpinë e demokratëve.
“Ne nuk hyjmë në ndërtesë për të dhunuar asnjeri , veçse paralajmërojnë mercenarët të dalin është mirë të dalin nga ndërtesa”, theksoi Berisha.
“Paralajmëroi akte dhune. Flet për vrasës dhe vrasësit shoqërojnë Sali Berishën, Petrit Mustafa një i dënuar për vrasje shoqëron Berishën, Fatjon Dautaj person në kërkim në Britani”, tha Bardhi.
Media nuk lejohet të futet brenda selisë blu ndaj zyra e shtypit u kujdes të shpërndante mesazhin e Lulzim Bashës për demokratët.
Top Channel
