Kryeministri britanik shprehu interes, Rama: Marrëveshja e Shqipërisë për emigrantët është ‘ekskluzive’ për Italinë 20/09 10:00
Në të njëjtën kohë kur grupi për rithemelimin e PD-së njoftoi se ishte nisur drejt selisë blu, Lulzim Basha braktisi zyrën për të konsumuar një kafe me gazetarët në oborrin e selisë.
Aldo Bumçi, Gent Strazimiri dhe Ivi Kaso ishin tre anëtaret e caktuar nga grupi i rithemelimit për të trokitur në derën e selisë së demokratëve…. por pa sukses. Për t’u hapur dyert, duhet leje.
“Ku ta marrim leje, tek e-Albania”, pyet Bumçi.
“Premtoi betejë dhe rri në kafe, më 8 janar selia e PD-së kthehet në shtëpi të lirisë”, thotë Strazimiri.
Lulzim Basha vëzhgoi nga kafja edhe mbërritjen e të rinjve të forumit rinor, të cilët i shtuan element të ri fasadës së selisë blu.
Dyert e partisë u hapën lehtësisht për zv.ambasadorin amerikan, Demian Smith. Kryefjalë e bisedës 60 minutëshe ishte protesta e thirrur në oborrin e PD-së. Diplomati amerikan shmangu mediet, ndërsa pas takimit Sekretari i Përgjithshëm Gazment Bardhi sulmoi ashpër Sali Berishën.
“Braktisja, dëshpërimi është arsyeja kryesore për thirrje për dhunë dhe përplasje mes demokratëve. Protestë për të bunkerizuar PD-në siç është bunkerizuar Berisha dhe familja.
Akuzave të bera prej tij se Sali Berisha rrethohet me kriminelë, Gazment Bardhi këtë herë i vendosi një emër:
Keni deklaruar se persona me rekorde kriminale, të dënuar në Britaninë e Madhe, pjesë e grupit kriminal B9 janë parë në oborrin e selisë. Mund të na thoni emra ju lutem?
“Po, shoqëruesi i Sali Berishës, Myftar Lumneshi”, u përgjigj Bardhi.
Top Channel
