“Po bëja shaka”, del video e ambasadorit britanik duke i drejtuar armën punonjësit, shkarkohet menjëherë 01/06 12:25
Fundi i 2021-shit dhe ditët e para që vitit që po hyn, do të sjellin një ndryshim drastik të situatës në Europë, me temperature që do të rriten më shumë se 10 gradë mbi mesataren e sezonit.
Metereologët italianë thonë se ky fenomen i detyrohet mbërritjes së një anticikloni, që do të shtrihet nga Afrika e Veriut deri në Skandinavi, duke sjellë anomaly të motit në shumë shtete të Europës qendrore e lindore.
Njëri prej tyre, Manuel Mazzoleni thotë se në Francë, veriun e Italisë e disa rajone të tjera qendrore, termometri mund të arrijë të shënojë 15 -16 grade celsius, dhe në gadishullin Iberik, Britani, vendet e Beneluksit e më tej në Poloni dhe shtetet në të cilat rrjedh Danubi, temperaturat do të kapërcejnë 13 gradët Celsius.
Kjo situatë duket se do të zgjasë më shumë se 4 apo 5 ditë, e pritet të thyejë disa rekorde lokale. “E vështirë, për të mos e thënë e pamundur të gjejmë diçka të ngjashme që në në periudhë të tillë të vitit ka prekur kaq shumë shtete”, thotë Mazzoleni.
“Megjithatë, na pret një fundviti i bukur”, shton ai edhe pse siç theksoi në disa zona të Italisë do të këtë dhe mjegull.
Pas 3 janarit pritet të mbërrijnë rryma më të freskëta atlantike, që do t`i japin fund kësaj “vere” të vogël.
Top Channel
