Izraeli njofton pauzë ushtarake në rrugën e Gazës, lejohet futja e ndihmave 16/06 17:34
Turqia ka nxitur dje Rusinë të heqë dorë nga kërkesat që konsideronte “unilaterale” dhe të marrë një qasje më konstruktive për të thyer ngerçin me Perëndimin dhe Fuqitë e NATO-s në lidhje me Ukrainën, raportonte rrjeti francez AFP.
“Që një propozim të pranohet, ai duhet të jetë i pranueshëm nga të dyja palët,” tha ministri i jashtëm turk Mevlüt Cavusoglu, në kontekstin e përgatitjeve të këshillit NATO-Rusi, që është një trup konsultimi diplomatik i ngritur në 2002 për bashkëpunimin mes dy blloqeve, dhe pritet të mblidhet më 12 janar.
Rusia dhe NATO “duhet të vijnë në tryezë me propozime që mund të pranohen nga të dyja palët. Një qasje unilaterale dhe imponuese nuk mund të jetë e pranueshme, kudo që të jetë burimi i saj”, paralajmëroi Mevlüt Cavusoglu, duke shtuar më tej se “problemi i Ukrainës, nuk është unilateral”, shkruan rrjeti rumun 10TV.
Më 17 dhjetor Rusia prezantoi dy drafte traktatesh ku parashikohej kufizimi i ndjeshëm i influencës së SHBA dhe NATOs në zonat pranë kufijve të saj, pasi Moska është akuzuar se po planifikon një ofensivë kundër Ukrainës.
Vendi fqinj është përfshirë në konflikt në zonat kufitare prej vitit 2014, pas përmbysjes së qeverisë pro-ruse në Kiev.
Dy tekstet e prezantuara, një për NATO-s e një për SHBA, kërkonin ndalim të zgjerimit ushtarak perëndimor në lindje, veçanërisht në Ukrainë dhe kudo pranë ish-republikave sovjetike në rajon.
NATO vazhdimisht ka denoncuar aneksimin nga Rusia të gadishullit të Krimesë dhe ka kërkuar respektim të integritetit territorial të vendit, por konflikti me separatistët pro-rusë në rajonin lindor të Donbas vijon.
Top Channel
