Bosi i mafies bën dasmë tek kisha ku u varros armiku numër 1 i tyre, gjyqtari Falcone! Reagon prifti: Nuk e dinim që..
25/04 10:45
Të gjithë kanë mësuar prej shekujsh se Toka ka 7 kontinente.
Por në vitin 2017 një grup gjeologësh njoftuan se kishin zbuluar një kontinent tjetër, të cilin e pagëzuan me emrin: Zelandia.
Tani sipas matjeve të fundit njoftohet se Zealandia ka një sipërfaqe prej 4.9 milionë km katrorë – pra rreth gjashtë herë sa sipërfaqja e Madagaskarit. Enciklopeditë dhe hartat megjithatë vazhdojnë të pasqyrojë vetëm shtatë kontinente.
Kjo lidhet edhe me faktin se rreth 94% e kontinentit më të vogël të botës gjendet nën ujë, thote DW. Nga thellësitë oqeanike shfaqet në sipërfaqe vetëm një pjesë të vogël e këtij kontinenti, Zelanda e Re si dhe grupi i ishujve Kaledonia e Re që i përkasin Francës.
Ekzistenca e Zelandias është pranuar tërthorazi edhe nga OKB-ja, sepse ajo për Zelandën e Re ka bërë një përjashtim sa i takon zonës detare që shtetet bregdetare mund të pretendojnë si “zonë ekskluzive ekonomike”.
Kjo zonë për shtetet e tjera kufizohet në distancën 200 milje, kurse për Zelandën e Re ky kufizim nuk vlen. Zelanda e Re ka të drejta ekskluzive për të gjitha burimet minerale të Zelandias dhe kontinenti nënujor përmban gaz, naftë, hekur dhe mangan.
Top Channel
