Tragjike në Brazil! Aeroplani bie në qendër të qytetit, 10 personat që ishin në bord humbin jetën 22/12 17:19
Presidenti Daniel Ortega (djathtas)
Qeveria e Nikaraguas ka sekuestruar ish-ambasadën dhe zyrat diplomatike të Taivanit duke thënë se ato i përkasin Kinës.
Qeveria e presidentit Daniel Ortega ka ndërprerë lidhjet me Taivanin këtë muaj duke thënë se njeh vetëm qeverinë kontinentale të Kinës.
Para largimit të tyre diplomatët taivanezë tentuan të dhurojnë zotërimet e tyre për dioqezën katolike të Managua.
Por qeveria e Ortegas tha dje se donacione të tilla nuk mund të kryhen pasi ndërtesa dhe zotërimet e saj në zonën e shtrenjtë të kryeqytetit Managua, i përkasin të gjitha Kinës.
Ministria e jashtme e Taivanit dënoi ato që quante “veprime ilegale të regjimit të Ortegas,” duke shtuar se qeveria kishte shkelur procedurat standarde duke u dhënë diplomatëve taivaneze vetëm dy javë kohe për t’u larguar nga vendi.
Minsitria shtonte gjithashtu se Taivani “dënonte ndalimin arbitrar nga qeveria e Nikaraguas të shitjes simbolike të pronave të saj te kisha katolike e Nikaraguas”.
Në fillim të muajit vendi amerikano-qendror tha se njeh zyrtarisht vetëm Kinën dhe Taivanin autonom si pjesë të saj.
“Ka vetëm një Kinë,” thuhej në një deklaratë të qeverisë latine. “Republika Popullore e Kinës është qeveria legjitime që përfaqëson të gjithë Kinën dhe Taivanin si pjesë e pandashme e territorit të saj.”
Lëvizjet e fundit shtojnë izolimin e Taivanit në skenën ndërkombëtare teksa vendi ishullor ka shtuar lidhjet me Lituaninë e Sllovakinë që gjithashtu nuk e njohin si shtet.
Taivanit tashmë i mbeten vetëm 14 aleatë formalë diplomatikë./ Newsmax/
Top Channel
