Pas caktimit të datës së zgjedhjeve të parakohshme, Scholz deklaratë para Bundestagut! A është kjo dalje sinjal për fushatën? 13/11 10:27
Së shpejti do të kërkohet një test negativ për koronavirusin për të hyrë në Danimarkë, pavarësisht nëse personi është vaksinuar dhe kufizime më të rrepta për shkak të pandemisë po futen gjithashtu nga Finlanda.
Ministri danez i Shëndetësisë Magnus Heunicke tha në një konferencë shtypi në Kopenhagë të mërkurën se së shpejti do të nevojitet një test negativ për COVID për të hyrë në vend, pavarësisht nëse një person është vaksinuar.
Masa ende nuk është miratuar nga Komiteti Epidemik i Parlamentit Danez përpara se të hyjë në fuqi. Heunicke sugjeroi gjithashtu që të nevojitet një certifikatë COVID për përdorimin e palestrave, të cilat deri më tani janë përjashtuar. “Varianti i ri omicron i koronavirusit po përhapet me shpejtësi dhe tashmë është bërë dominues në vend”, tha ai.
Incidenca shtatëditore në Danimarkë është më e larta në BE. Prandaj, qeveria ka rifutur një sërë kufizimesh. Nga Krishtlindjet, kapaciteti i testimit do të rritet dhe doza përforcuese do të jepen katër muaj e gjysmë pas dozës së dytë në vend të gjashtë. Edhe Finlanda ka vendosur gjithashtu kufizime të reja. Nga Krishtlindjet, lokalet do të mbyllen në orën 22:00 dhe nga 28 dhjetori në orën 18:00, ndërsa restorantet do të mbyllen në orën 20:00. Alkooli do të shërbehet vetëm deri në orën 17:00.
Baret dhe klubet e natës do të lejohen të mbushin vetëm gjysmën e kapacitetit dhe restorantet 75 për qind. Këto dhe masa të tjera u njoftuan nga kryeministrja Sanna Marin të martën vonë në mbrëmje pas negociatave të gjata. Gjithçka do të jetë në fuqi deri në mes të janarit.
Masa më të rrepta po vendosen edhe në kufi. Nga data 28 dhjetor, për të hyrë në Finlandë do të kërkohet një test negativ për koronavirus jo më i vjetër se 48 orë, me konfirmim për COVID. Kjo vlen për shtetasit e huaj, personat jo rezidentë në vend dhe në rastin e një vizite për të cilën nuk ka arsye urgjente.
Top Channel
